bodrum escort bayangaziantep escortgaziantep escortmaltepe escortbostancı escortanadolu yakası escortizmir escortankara escortataşehir escortjeux de pouletMebbismatbetholiganbettipobettrendyol indirim kodutipobetCasibomvevobahisslot siteleri https://en-iyi-10-slot-siteleri.comstarzbet adamsah.netbetmatik
ardi.am Երաժշտություն Հրատապ

Միայնա՞կ է Գայլը. բարեգործական համերգի հետքերով

28.07.2019

Նախորդ տարեվերջին՝ «Սասնա ծռեր» խմբի լեգենդար անդամ Արայիկ Խանդոյանի՝ Միայնակ գայլի մահվանից հետո, երգիչ, երգահան Վահան Արծրունին հանդես եկավ մի կարևոր նախաձեռնությամբ՝ կազմակերպելով բարեգործական համերգ՝ մեր հերոսի ընտանիքին աջակցելու նպատակով: Մեզ հետ զրույցում նա այն ժամանակ այսպես մեկնաբանեց իր որոշումը. «Քանի որ անդամակցում էի Եռաբլուրում Արայիկի հուղարկավորության պատվո հանձնաժողովին, դեպի Եռաբլուր երթի ժամանակ առաջարկեցի նման համերգ-դրամահավաքի գաղափարը՝ ի նպաստ Արայիկի ընտանիքի, և անձամբ ընդգրկվեցի նախաձեռնող խմբում: Սոցիալական խնդիրների մի շարք է ծառացած Խանդոյանների ընտանիքի առաջ՝ կապված թե՛ երեխաների կրթության հետ, թե՛ նրանց Երևան տեղափոխվելու. հասունացել է պահը՝ նրանց ամեն կերպ աջակցելու»: Նշենք, որ համերգ-դրամահավաքի իրականացմանը աջակցեց նաև մշակույթի նախարարությունը: Այն կայացավ 2018-ի նոյեմբերի 24-ին, «Արամ Խաչատրյան» համերգասրահում: Ե՛վ համերգի ժամանակ, և՛ համերգից հետո իրականացվեց դրամահավաք: Վահան Արծրունին դեռ այն ժամանակ մեզ տեղեկացրեց, որ նախաձեռնող խմբի մեջ հիմանականում «Սասնա ծռեր» կուսակցության անդամներն են, բոլոր հարցերը նրանք են համակարգում, որ բացված է համապատասխան հաշիվ, և ի նպաստ Արայիկ Խանդոյանի ընտանիքի հանգանակությունն իրականացվում է ամբողջ աշխարհում:
Օրեր առաջ հետաքրքրվեցինք, թե ի՞նչ ընթացքի մեջ է իր համերգով մեկնարկած բարեգործական առաքելությունը: Երաժիշտը պատասխանեց, որ, ցավոք, այսօր արդեն չկա նախկին խանդավառությունը, թեև Արայիկ Խանդոյանին աջակցելու նպատակով դրամահավաքը, այնուամենայնիվ, շարունակվում է, գործում է բացված բանկային հաշիվը:

Մեզ մնում է մտորել, թե արդյոք միայնակ է մեր ժողովրդին անհաշիվ ու անգին ծառայություններ մատուցած հերոսը, թե արդյոք իսկապես միայնակ է Գայլը:
Մեր հրապարակումով նպատակ ունենք բոլորի ներսում արթնացնել այս հարցերի պատասխանները գտնելու մղումը և ևս մեկ անգամ հիշեցնել Վահան Արծրունու կատարած քայլի կարևորության, բարեգործական համերգի օրերին մեր հասարակության շրջանում առկա ոգևորության մասին: Թող այս հիշեցումն ընկալվի իբրև հորդոր բոլոր նրանց համար, որոնք կարող են թեկուզ չնչին կերպով օգտակար լինել մեր ազնիվ հայրենակցի ընտանիքին:     
ardi.am

                                                                                               

No Comments

Leave a Reply